માર્ગની ગુણવત્તા અને સમયસર કામગીરી પર ભાર, કામ પૂર્ણ થતાં સ્થાનિક નાગરિકો અને વાહનચાલકોને મળશે રાહતની આશા.
જિલ્લા પંચાયતના સદસ્ય મહેશભાઈ સોલંકી દ્વારા સ્થળ મુલાકાત લઈ કામગીરીનું નિરીક્ષણ; ગુણવત્તાસભર વિકાસ પર ભાર
કામરેજ, સુરત: કામરેજમાં માળખાગત સુવિધાઓના વિકાસને વેગ આપવાના પ્રયાસો વચ્ચે ઉમા કોમ્પ્લેક્સથી વાવ કેનાલ રોડ સુધીના માર્ગનું કામ પ્રગતિના પંથે આગળ વધી રહ્યું છે. આ માર્ગનું કામ પૂર્ણ થતાં સ્થાનિક રહેવાસીઓ, વેપારીઓ તેમજ રોજિંદા અવરજવર કરતા વાહનચાલકોને વધુ સુવિધા મળવાની આશા છે. માર્ગના વિકાસથી વિસ્તારની કનેક્ટિવિટીમાં સુધારો થવાની સાથે નાગરિકોની અવરજવર વધુ સરળ બનશે તેવી અપેક્ષા વ્યક્ત કરવામાં આવી રહી છે.
કામરેજના સર્વાંગી વિકાસ અને જાહેર સુવિધાઓને વધુ મજબૂત બનાવવાના અભિગમ સાથે કામરેજ-158 વિધાનસભાના ધારાસભ્ય તથા રાજ્યના આરોગ્ય મંત્રી સાહેબ શ્રી પ્રફુલભાઈ પાનસુરિયાના માર્ગદર્શન હેઠળ વિકાસનાં કાર્યોને આગળ ધપાવવાના પ્રયાસો થઈ રહ્યા છે. આ દિશામાં સુરત જિલ્લા પંચાયતના પ્રમુખશ્રી સમીરભાઈ મોદી, કામરેજ જિલ્લા પંચાયતના સદસ્યશ્રી મહેશભાઈ સોલંકી, કામરેજ ગ્રામ પંચાયતનાં સરપંચશ્રી કિંજલબેન શાહ, ડેપ્યુટી સરપંચશ્રી ભુપેન્દ્રભાઈ ઓઝા તેમજ પંચાયતના સભ્યો વિપુલભાઈ પૂર્ણવૈરાગી અને મોહનભાઈ ચોસલા સહિતના આગેવાનો દ્વારા વિકાસલક્ષી કામગીરી માટે પ્રયાસો કરવામાં આવી રહ્યા છે.
સ્થળ પર પહોંચીને કામગીરીનું નિરીક્ષણ
માર્ગનું કામ શરૂ થયા બાદ તેની પ્રગતિ અને બાંધકામની ગુણવત્તા જળવાઈ રહે તે બાબતને મહત્ત્વ આપતાં જિલ્લા પંચાયતના સદસ્યશ્રી મહેશભાઈ સોલંકી દ્વારા સ્થળ મુલાકાત લઈને કામગીરીનું નિરીક્ષણ કરવામાં આવી રહ્યું છે. વિકાસનાં કામો માત્ર પૂર્ણ કરવા પૂરતાં મર્યાદિત ન રહે, પરંતુ તે લાંબા સમય સુધી લોકો માટે ઉપયોગી બને અને નાગરિકોની જરૂરિયાતોને અનુરૂપ હોય તેવો અભિગમ જરૂરી છે.રસ્તાના બાંધકામમાં ગુણવત્તા જળવાય, કામગીરીમાં કોઈ કચાશ ન રહે અને જાહેર નાણાંનો યોગ્ય ઉપયોગ થાય તે માટે સતત દેખરેખ મહત્ત્વપૂર્ણ છે. આ જ દિશામાં સ્થળ પર જઈ કામગીરીની સ્થિતિ જાણવી અને જરૂરી બાબતો પર ધ્યાન આપવું એ વિકાસકાર્યોને વધુ અસરકારક બનાવવાનો એક મહત્ત્વનો ભાગ છે.
જનસુવિધા કેન્દ્રસ્થાને, વિકાસની કામગીરી પર નજર સ્થાનિક લોકોની સમસ્યાઓને સમજવી, તેમની રજૂઆતોને મહત્ત્વ આપવું અને જાહેર સુવિધાઓમાં સુધારો થાય તે માટે પ્રયત્નશીલ રહેવું એ સ્થાનિક સ્તરના જનપ્રતિનિધિઓની મહત્ત્વપૂર્ણ જવાબદારી છે. મહેશભાઈ સોલંકી દ્વારા વિકાસનાં કામોનું સ્થળ પર નિરીક્ષણ કરવાના પ્રયાસો પણ આ જ અભિગમ સાથે જોડાયેલા છે. નાગરિકોને રોજિંદા જીવનમાં પડતી મુશ્કેલીઓ ઓછી થાય અને વિસ્તારની સુવિધાઓમાં વધારો થાય તે માટે માર્ગ સહિતનાં માળખાગત કામોનું મહત્ત્વ વિશેષ છે…
માર્ગ પૂર્ણ થતાં નાગરિકોને મળશે રાહત..
ઉમા કોમ્પ્લેક્સથી વાવ કેનાલ રોડ સુધીનો માર્ગ કામરેજના સ્થાનિક પરિવહન અને અવરજવર માટે મહત્ત્વપૂર્ણ બની શકે છે. માર્ગનું કામ સમયસર અને ગુણવત્તાસભર રીતે પૂર્ણ થાય તો સ્થાનિક રહેવાસીઓ, વેપારીઓ તથા વાહનચાલકોને તેનો સીધો લાભ મળી શકે છે. સાથે જ વિસ્તારના વિકાસને પણ નવી દિશા અને ગતિ મળવાની સંભાવના છે.
હાલ સ્થાનિક નાગરિકોની અપેક્ષા છે કે માર્ગનું બાંધકામ નિર્ધારિત સમયમર્યાદામાં અને જરૂરી ગુણવત્તાના ધોરણો જાળવીને પૂર્ણ કરવામાં આવે, જેથી જાહેર જનતાને લાંબા ગાળે તેનો લાભ મળી રહે.કામરેજના વિકાસમાં માર્ગો અને જાહેર સુવિધાઓનું મજબૂતીકરણ મહત્ત્વપૂર્ણ કડી છે. હવે ઉમા કોમ્પ્લેક્સથી વાવ કેનાલ રોડનું કામ ગુણવત્તાસભર રીતે પૂર્ણ થઈ નાગરિકોની સુવિધામાં વધારો કરે તે સૌની અપેક્ષા છે.
